SKL-Trainingslager St. Moritz 2022
12.07.2022
Trainingslager St. Moritz vom 10. bis 23. Juli 2022
Gabi Schwarz
Sonntag, 10. Juli 2022
Es isch wieder sowiit... hüt geit's miteme Fueder SKL-Athletinne Richtig St. Moritz iz Trainingslager. Dr Vorfreud isch gross gsi u mir hei e ungerhautsami Aareis mit üsem Klubbösli gha! Dr obligat Zwüschestopp heimer im Heidiland gmacht. Viertu vor vieri simer de ir Jugi z'St.Moritz vorgfahre. Nachdäm aui Zimmerbezoge u sich iignischtet hei, simer de ufenes lockers Footing-Rundeli am St. Moritz-See na. Zum Abschluss simer de o scho ga kneippe u es paari hei nid chönne widerstah u hei sich grad ganz i die chaute Fluete gstürzt! Zum Znacht hets Bratwurscht mit Härdöpfle gä. Nam Znacht heimer de ono grad dUslosig für üses Spiuturnier gmacht. Wiu aui chly müed si gsi, isch du ziemlich früeh Fyrabe gsi... ömu im Ufenthautsruum!
***
von Lynn und Jelena
Montag, 11. Juli 2022
Driiiiiiiiing driiiiiiiing, üsä Wecker het hüt am Morgä scho am 6i glütet wüu säch d Mina no nid ad Feriä het gwanned. Am 8i isch z Zmorgä ufäm Plan gschtangä u mir hei zerschtä mau äs guäts Zmorgä gässä. Am haubi 10i het zerschtä Training agfangä u mir hei üs mit Tempolöif am Waudrand amüsiert. Ds Training isch zwar Asträngänd gsi u di Sächs mau 150 Meter si de glich schnäuer vrgangä aus mir am Afang täicht hei. Am 12i simer närä aui zämä itz Coop ga ichoufä u hei dr Mittag am St.Moritzersee vrbracht. Dr See isch nid numä Steinig gsi , baud ischmä o i Sumpf cho , wo t Alisha de leider irä eint Adilettä vrlorä het. Obwou mr no hei gsuächt ischer leidär nüm fürächo. Am 4i simr de widr ufäm Trainingsplatz gstangä u hei z Namitagstraining absolviert: üsäs Programm si Hürdä ABC u Sprintseriä gsi. Nach däm aspruchsvouä Training si äs paari no dürä St.Moritzersee gschwummä. Itzä fröiä mir üs uf di nächschtä ungerhautsamä Täg:))
Die motivierten SKL-Girls vor dem ersten Training
***
von Lisa und Vera
Dienstag, 12. Juli 2022
Heute Morgen sind wir mit dem Velo auf den Sportplatz gefahren. Zuerst sind wir 2 Runden gerannt und dann haben wir noch einen Seilsprungzirkel gemacht. Nach dem einwärmen machten wir noch ein Hürden-ABC. Anschliessend haben wir noch Hürdenläufe gemacht. Am Nachmittag waren wir am Lej Marsch und haben unser Mittagessen genossen, dass wir vorher im Coop gekauft haben. Nach dem Mittag haben wir gebadet, einige sind sogar mit dem SUP herum gerudert. Gegen den späteren Nachmittag sind wir dann alle nachhause gegangen. Zum Abendessen gab es Poulet, Reis und Gemüse, zum Dessert gab es so ein Aprikosen- Pfirsich Mousse.
***
von Lia und Emily
Mittwoch, 13. Juli 2022
Wi jede Tag simer am 07.45 Uhr ufgstange. Am 08.00 Uhr het ds Zmorge uf üs gwartet. Nachemne churze Powernap im Bett isches am 09.30 Uhr ufem Sportplatz witergange. Aus ersts heimer ei Rundi joggt zum chli warm wärde. Aus nächsts heimer Louf-ABC gmacht u üs chli dehnt. Ar Koordinationsleitere heimer verschiedeni Üebige gmacht und bevors zur Sprintpyramide isch gange heimer no es Paar Reaktionsüebige gmacht. Mir hei 6×30 Meter gstartet usem Block. Ahschliessend heimer 50, 60, 70, 80, 70, 60 Meter gsprintet. Zum Schluss vom Morgetraining simer no aui ga kneipe. Nachemne Ichouf im Coop heimer üses Zmittag am Lej Marsch gnosse. Derzue het o bade u Spili spile ghört. Z' Namitraining het de am Lej Nair stattgfunge. 6×120 Meter Tempolöif isch ufem Programm gstange. Nachemne stränge Trainingstag simer mit de Velos zrügg zur Jugi gfahre u hei ds feine Znacht gnosse. Nachem Spili spile hets zum Abschluss vom Tag e Nutella-Pizza ir Sunne gä.
***
von Fabienne und Yara
Donnerstag, 14. Juli 2022
Hüt het där Weckär mau chli früechär glütä. Mir si hüt am Morgä am 7:00 parat vor där Jugi gstangä. När hei mir üs mitä Velos ufä Wäg zum Stazersee gmacht. Dert hei mir äs erfrüschäns Morgäbad gno, ds Wassär isch wermär gsi aus di meischtä hei ärwartät. Nachäm Gschrei vor Mina u Valerie, wägtä Fischä, si mir när ömu o aui häuwach gsi. Zrügg vo däm erfrüschändä Bad hei mir aui üsäs Zmorgä gnossä. Drufabä hei mir üs ufäm Sportplatz zum Hoschsprung u bäuällä troffä. Bevor mir mit Disziplinä hei gstartät, hei mir äs churzäs Iloufä un ä Minibandzirku gmacht. Nach däm eher lockärä Training si mir iz Coop ga Zmittag choufä u hei das när ir Jugi gässä. Üsä frei Nami hei mir im coolä Ovaverabad gnossä. Där Räscht vom Tag hei mir mit feinä Tortteloni zum Znacht u viunä Spieli verbracht.
***
von Muriel
Freitag, 15. Juli 2022
Am 7.45 het der Wecker glüte damit mer am 8i pünktlich zum Zmorge si erschine.
Am 9.30 het de o scho wider z nächschte Training ahgfange. Ufem Programm isch am Morge Witsprung gstange. Am Afang hets no e Seilsprungzirku gä u nach paarne Strecksprüng isches de o scho i Sang gange. Am Schluss vom Morgetraining heimer Fuessgymnastik gmacht im Sang. Vorem Zmittag ichoufe im Coop simer no ga kneippe. Z Zmittag heimer hüt am Sankt Moritzer See gässä u derzue chli Spili gspiut.
Im Namitraining isch Staffle ufem Programm gstange. Nachem Training simer aui hei ga düschele u ga ässä ds mer när ufe Muottas Muragl hei chönne. Der Sunneungergang heimer leider nid perfekt gse, da‘s no paar Wouche im Wäg het gha. Derfür hei mer derzue der Halbfinal vo de Prague Games vo Janis u Seya chönne luege u es isch ömu guet use cho :)
Ufem Heiwäg heimer e Zwüschestopp gmacht ir Sonne u üs e feini Nutellapizza oder Glace gönnt. Daheim simer de müed u zfride ga schlafe.
***
von Joci und Janine
Samstag, 16. Juli 2022
Di hertä si hüt am Morge ganes Footing mache. Am Stazersee hi aui im Wasser druf gwartet, bis t’sunne übere Bärg het möge schine. Natürlech het aber o z‘Fotoshooting nid dörfe fähle. Am 08:00 himer när aui zämä zmorge gässe u hinis ufe Piz Nair vorbereität. Mit em Bändli u chli z‘Fuss simer zur Finnebahn gange. Dert simer ä Rundi ga ilufe u zum Dessär hets 4x50m u 8x120m Tämpolöf gä. Um di schöni Ussicht z‘gniessä simer no ufe Piz Nair uechä. Zur Chrönig vom Tag si es paar no i St. Moritzersee ga Badä. Nachem Bade hi aui numeno wöue ga tusche, doch d‘Zimmerchärtli hi das nid wöue. So simer nass vom See ät Rezeption ga üsi Zimmerchärtli verlengärä. Nach däm chline Zwüschäfau, himer der Abe mit Spaghetti u Spili la usklinge.
Fit nach dem Morgenschwumm im Stazersee
Lauftraining mit herrlicher Kulisse auf der Finnebahn Corvatsch
***
von Valerie und Mina
Sonntag, 17. Juli 2022
D Valerie isch hüt am Morge nach em 7ni ufgwachet wüu es Baby vom Nachbarszimmer het bäget. Dr Wecker het de aber am 20 vor 8ti glüte und dann si de Auto wach gsi vo äsen Zimmer. Wi immer simer am 8ti zum Zmorge gange. Wüu hüt Sunnti isch, hets am Buffet o Züpfe gäh. Natürlech hei di meiste denn grad zuegschlage. Nach em Zmorge heimer öppe no e Stund Zit gha, um Zimmer z‘ zügle oder uszieh, wüu einigi si hüt am Mittag de wider hei gange. Wi nach Plan het z Training am haubi 10ni gstartet ufem Sportplatz. Am Afang het z Training gstartet mit Iwerme. Nachem Iwerme simer de oscho zu de Steigerungsabläufe cho. Nach dene heimer Hürde - ABC gmacht und de im Aschluss no g Hürdelet. U ganz am Schluss heimer de no Langhürde gmacht, das het gfägt!! Im Aschluss vom Training simer ids Coop ga ichouffe und när si de scho es paari ufe Zug für Hei gange. Nach u Nach si die angere Meitschi de Ono abghout worde vo de Eutere und di nöiie si itrudlet. Dr frei Nami hei di meischte am St. Moritzersee oder ir Badi vrbrunge. När Heimerzieher no chli im Zimmer chillt und när gömer de scho zum Znacht. Ufem Menuplan steit Truthahn-Saltimbocca mit Portosauce und Safranrisotto, Kegen oder Quinoa-Randeburger mit Biilage. Miamm, mir fröie üüs!
Siegerbild Spielturnier 1. Woche:
1. Rang Mina und Lisa, 2. Rang Nina und Valerie, 3. Rang Alisha und Lia
***
von Hanna und Nina
Montag, 18. Juli 2022
Es het wie jede Tag mitem lute Wecker agfange. Nachem Zmorge hei mir üs parat gmacht u si so wie geng am haubi 10i ufem Platz gschtange. Ds Training het wie immer mitere Rundi Jogge ume Sportplatz gschtartet. Nach de Miniband üebige isches de mit Witschprung losgange. Dr Bläcki het üs ganz viu erklärt wie dasme mues gumpe aber schlussäntlech hets jede uf sini art gmacht. Mir si scho aui relativ düre gsi u när isch die bösi überraschig cho dasmer no 3 diagonau löif müesse mache. Nachem churze Keneipe si mir ga ds Ässe choufe wo mir när am Lej Marsch hei chönne gniesse. Mir si aui ga Bade zur abchüelig nachem Training vom Morge. Am Nami heimer när no Chugu u Bäueliwitwurf (die eutere Speer) gha. Nachem Dusche hei mir aui no chli gschpiut u Znacht gässe.
***
Alisha und Marina
Dienstag, 19. Juli 2022
Hüt am Morge am haubi 7i het dr Wecker for alisha glüte wüeu früech am Morge isch ufem Trainingsplan gstange das mir gö ga foote i Stazersee. Mir si mit d Velo no haub verschlafe zum Stazersee gfahre. Nach churzer zit si di erschte scho e rundi ga schwümme. Blacky het sogar e backflip vom stäg gmacht. Nach üsem erfrüschende Morgebad simer wieder hei gfahre und hei nächär Zmorge gässe. Nachem Zmorge hei mir üsi täsche parat gmacht für s Training. Am viertu ab 9i simer mit de Velo los gfahre zum Sportplatz. Üses hütige Training het gstartet mit erä chline rundi jogge mit denä am See entlang. Nächär heimer hürde ABC witer gmacht. När isches mit sprintserie witer gange. Mir hei müesse 5 mau 5x40m Sprinte. Ds isch sehr aschträngend gsi. Zum Schluss simer no im füfer u drüer über d hürde. Es het no 3 löif über 6 hürde gä. Nachdäm stränge Training si mir iz coop ga Zmittag choufe . Am Namitag si di meischte uf e biz nair mit dr standseilbahn ufe gfahre oder angeri si ga bike. Ufem biz nair heimer Zmittag gässe u hei no chli mit enang gredt. När simer wieder Abe gfahre mit dr standseilbahn U si mit em SK bös zrüg gfahre, mir si öpe am haubi 4i wieder ir jugi acho. När heimer s chli chillt u hei ping pong gspiut. Am 7i simer wie immer ga Znacht ässe es het mildes rotes gemüsecurry mit Tofu oder poulet mit basmatireis und zum Dessert hets Zitrone Cake gä. Es isch mega fein gsi...
Nachem Znacht simer nomau go ping pöngle u hei no angeri spieli gspiut. Dr Tag hei mir när la usklinge la i däm mir no chli leichtathletik WM hei gluegt.
***
Nadja und Julia
Mittwoch, 20. Juli 2022
Dr Mond het no über St. Moritz gwacht, wo paari ufde Tische im Stübli hei glacht. Ds erläbte wird für immer ide Chöpf bliibe, weme zviu drüber nachedänkt, chame unnötig Ziit drmit vrtriibe. Für teu isch d’Nacht churz gsi, i Gseuschaft vo Schnaps, Bier und Wii. Wo de dr Partytrup ändlech isch heicho, heisi no paarne dr Schlaf gno. Erstunlecherwiis het z’Zmorge niemer verpasst, viu heisi aber de oh nid vrnascht. Nachem Zmorge heimer üs de ufe Wäg zum Trainingsplatz gmacht, ds hei aber de doch nid aui gschafft. Mitemne neu erfungnige Spiu vo Blacky heimer gstartet, er het am Spiurand aus Schiri gwartet. Ir Koordinationsleitere ischs de wiiter gange, es paari heisech mit ihrne Füess es paar Mau verfange. Blacky het sechs nid la näh u bim erfinge vo neue Üebige vougas gäh. Es isch nid so im Program gstange, Gabi het aber trotzdäm dr Gring nid la hange. Nach de qurlige Üebige vo Blacky ischs mit Loufsprüng ufem Rase seriöser zu und här gange, da isch d Ziit sehr schnäu vergange. Es paar Sprüng über d’Hürde hei oh nid dörfe fähle, drmit het üs Ueli aber gar nid wöue quäle. Am Morge heimer mit Sprints übere Rase z Training beändet, si ga kneippe u hei üsne Liebste e Nachricht gsändet. Aui hei ihres Zmittag vrschlunge und drbi ganz viu Energie gwunne. Einigi si ganz töif i ihrne Tröim vrsunke, während es paari nachem ahsträngende PingPong-Turnier echli hei gstunke. Mit Deo heisis aber chönne rette, während däm di angere ihres Bett hei chönne bette.
Im Namitraining ischs de seriöser zu und här gange, unger dr Leitig vo Gabi simer de churzum ide Seili gstange. Später heisi aui ih zwöi Gruppe trennt, glücklecherwiis heimer üs ja aui kennt. 😉 Di einti Gruppe het Speere gäh, während dem di angere sech dr Hochsprungmatte hei müesse ergäh. Fasch wie bim Schutte hets nach dr Hauptziit e Pouse gäh und es isch gwächslet worde, natürlech ohni jeglechi Sorge. Oh d’Sunne het üs düre Nami begleitet, das het üs nachem Training zumne Schwumm im Wasser vrleitet. Früsch duschet heimer üs aui bim Znacht troffe, drbi het oh niemer es Bierli gsoffe. Es het Härdöpfustock u Fleischchäs mit Bohne gäh, es Dessert hetme am Schluss ono dörfe näh. Hüt wird dr Abe ganz gmüetlech vrbracht, ohni jeglechi Chüssischlacht. Danke fürs läse vo üsem Tagebuech, z Spiuturnier wird iz no vo üs bsuecht.
***
von Anja
Donnerstag, 21. Juli 2022
Mittlerwile isches Donschti worde u z Lager neigt sich am Ändi zue. Üsi Bei si müed u schwär u deswäge isches aune rächt gsi ds mr hüt nume am Morge hei Training gha. Zum Starte hei mr Eierlege gspiut. Da het sich di euteri u erfahreneri Mannschaft relativ dütlech gäg di jüngeri Crew düregsetzt. Witergange isch z ufwerme mit Medizinbau-Üebige u emne Hürde-ABC. So si mr super parat gsi fürz Hürdetraining wo hüt ufem Programm gstange isch. Währenddesse si Blacky u Bigler zu re Biketour ufbroche. Si hei sich so viu vorgnoh das sogar Bigler äs Elektrobike het unger z Füdle gnoh.
Di angere si nachem Training churz gah kneippe u hei sich am Nami ir Badi wider troffe. Dert hei sich aui bim rutschbändle chönne ustobe u nachhär bim sprudle chönne entspanne. Am Sächsi hei mr üs nähr vor dr Jugi ufnes Apèro troffe wo mr no uf üses Geburtstagsching, dr Mättu hei ahgstosse. Di beide scho fasch vrlore gloubte Biker heis pünktlech ufz Ahstosse oh zrügg id Jugi gschafft. Nach zwöine platte Reife u zweni Akku im Motörli si si sichtlech erschöpft gsi u hei äs durchzognigs Fazit zoge. Z‘Nacht hei mr im Restaurant Sunne gässe, das isch vo grosszügige Spänder finanziert worde. Dr Räschte vom Abe het me nähr gmüetlech lah usklinge.
Happy Birthday Mätthu
***
von Yogani und Janis
Freitag, 22. Juli 2022
Gring Gring hat der Wecker am morgen uns geweckt. Heute Morgen gab es wie immer um 8:00 das Morgenessen. Um 9:30 starteten wir dann zum letzten Training. Zum Aufwärmen spielten wir Volleyball und Ball über die Schnurr. Nachdem wir uns warm gemacht haben gab es einen Miniband zyrkel. Zum Abschluss des heutigen Trainings gab es noch Sprintserien. Am Nachmittag hatten wir alle frei. Einige gingen auf den Piz Nair und andere gingen Tennis spielen beim lejmarsh. Anschliessend kamen alle wieder zurück in die Jugendherberge. Einzelne Personen haben schon angefangen die Koffern und Taschen zu packen. Um 19.00 gab es wie gewöhnlich das Abendessen und anschliessend liessen alle den Abend ausklingen.
Herrlich...
Nochmals Vollgas bei den Sprintserien im Abschlusstraining
...und dann noch ein letztes Mal im diesjährigen Trainingslager über die Hürden
***
von Seya und Mätthu
Samstag, 23. Juli 2022
Heute war es leider nun schon Zeit wieder nach Hause zu gehen. Nach einer langen Nacht für einige, war es 7:45 Uhr Zeit das Gepäck zu verladen, die Bettwäsche runter zu bringen und die Zimmerkarten, so wie Bergkarten zurückzugeben. Gleich darauf assen wir das Morgenessen und als alle bereit waren, nahmen wir den langen Rückweg in Angriff. Doch bis zum ersten Stopp dauerte es nicht lange. Ein voller Plastikbeutel zwang uns schon nach etwa 15 Minuten dazu. Doch danach ging es vollgas weiter bis zu unserem traditionellen Stopp beim MacDonalds in Buchsberg, wo wir uns stärken konnten für die letzten zwei Stunden Autofahrt. Um ca. 14:00 sind wir dann endlich wieder zu Hause angekommen. So nahmen alle ihr Gepäck, ihr Fahrrad und vor allem die tolle Erfahrung aus St.Moritz zu sich nach Hause und können hoffentlich daraus bald schon Verbesserungen erkennen!
